20 Desember 2007
Beeld Plus 

Thys Odendaal

Bravura! – waaghalsige koloratuurarias

Die Pretoriase sopraan Michelle Veenemans het klaarblyklik haar vokale flair aan moedersknie ontwikkel, met ma Barbara steeds betrokke in haar dogter se loopbaan. Vroeg vanjaar het koloratuur-dogter Michelle Bravura! opgeneem, met mams as musiekregisseur.

Veenemans is weer kniediep in nogal waaghalsige koloratuur-arias, meestal bekend en eie aan dié rats en sterk stem, maar dankbaar ook twee Mozart-konsertarias en Ach, ich Liebe uit Die Entführung. Later, uit dieselfde opera, die “onmoontlike” Martern aller Arten, maar met minder panache. Haar begeleier, Paul Ferreira, blyk ewe onverskrokke te wees, en meestal is die twee hoogs opwindend. Jammer dat ons sangers so bittermin die kans kry om saam met vol opera-orkeste te sing.